सत्यमेव जयते 

सत्ययुग देखि नै

सत्यमेव जयतेको मन्त्रोचारणवाट

अभिभूत हुदै आएका छौं हामी

त्यसैले

आजपनि हामी

सत्यको प्रतिक प्रल्हादबाट

असत्यको प्रतिक होलिका दहन भएको खुशियाली लाई

फागु पर्व भनि मान्दै आएका छौं !

वसन्त ऋतुको आगमनमा

नियाल्दै प्राकृतिक सौन्दर्य

साटेर मायाप्रिति

खेल्छन आपसमा सद्भावका साथ

रंगहरुको पर्व फागु !

आउँदै गर्छ जिन्दगीमा

सुख दुःख घाम पानी

सहदै भोग्दै सामना गर्ने

यही त हो जीवनको कहानी !

हो रातसंग दिन हुन्छ

अधमारोसंग उज्यालो हुन्छ

देहसँग छाया हुन्छ

त्यस्तै फागु पर्वमा पनि

होला कहिँ कतै अझैपनि

उच्छृंखला अभद्र दुव्यवहार

रीस ईवी र दुर्भाबना हरु

तर बुझ्नुपर्छ हामीले

मेटिन्न यतिले फा

फागुको महत्व र रमाइलो

त्यसैले गरौं

चिन्तन मनन

त्यागौ कलुषित विचार

राखौ मनमा सुविचार

र मनाऔं कालान्तरसम्म

हाम्रो फागुपर्व

रंगहरुको पर्व

सत्यमेव जयते ।

-रीतादेवी प्रधान