जलस्रोतको धनी मुलुक नेपालका कयौ भुभाग सिंचाई अभावमा मरुभूमिमा परिणत हुँदै : लालबाबु पण्डित

काठमाडौं, ३ चैत्र/ संघीय मामिला तथा सामान्य प्रशासनमन्त्री लालबाबु पण्डितले विज्ञताको सही प्रयोग हुन नसकेका कारण वातावरण प्रदुषण लगायतका समस्या निम्तिएको बताउनुभएको छ ।
नेपाल राष्ट्रिय जल तथा मौसम सप्ताहको सनिबार राजधानीमा उद्घाटन गर्दे मन्त्री पण्डितले विज्ञले आफ्नो विज्ञताको सही ढंगले प्रयोग नगरेकाले समस्या श्रृजना भएको बताउनुभएको हो । राजधानीको अव्यवस्थित शहरी विस्तारका कारण निम्तिएको नदी नाला प्रदुषणको असर मकवानपुर सम्म पनि देखिने गरेको भन्दै उहाँले इन्जिनियरहरुलाई ठिक तरीकारले आफ्नो विज्ञता प्रयोग गर्न सुझाव दिनुभयो । उहाँले शहरी विकासको डिजाईन परिर्वतन गर्न पनि आग्रह गर्नुभयो ।
जलस्रोतको धनी मुलुक नेपालका कयौ भुभाग पछिल्लो समय सिंचाई अभावमा मरुभूमिमा परिणत हुने क्रम बढ्दै गएको भन्दै उहाँले चिन्ता व्यक्त गर्नुभयो । हिमालमा हिउँ नपर्ने समस्याबाट हिमाली क्षेत्रको आकार सांघुरो बन्दै गएको उल्लेख गर्दै उहाँले लगानीको प्रतिफल आउने गरि जनचेतना अभिवृद्धिका काम गर्न आयोजकलाई सुझाव दिनुभयो । उहाँले भन्नुभयो “विज्ञताको प्रयोग भएको छैन वा ठिक तरिकाले भएको छैन , ठिक तरीकाले हुनुपर्यो । लगानी प्रतिफल आउने गरि हुनुपर्यो । ”
जलस्रोतको धनी मुलुक नेपालका कयौ भुभाग पछिल्लो समय सिंचाई अभावमा मरुभूमिमा परिणत हुने क्रम बढ्दै गएको भन्दै उहाँले चिन्ता व्यक्त गर्नुभयो ।