पूर्व राजा ज्ञानेन्द्र शाहद्वारा १३ वर्षपछि पृथ्वीनारायणलाई माल्यार्पण, हजारौं समर्थकले लगाए नारा

काठमाडौं । पूर्वराजा ज्ञानेन्द्र शाहले १३ वर्षपछि आफ्ना पुर्खा पृथ्वीनारायण शाहको शालिकमा माल्यार्पण गरेका छन् ।
२०६५ सालमा भएको गणतन्त्र घोषणायता पहिलो पटक पूर्व राजा शाहले आफ्ना पुर्खा बडामहाराजाधिराज पृथ्वी नारायण शाहको शालिकमा मंगलबार मध्याह्न साढे १२ बजे माल्यार्पण गरेका हुन् ।

उनी आफ्नो निवासबाट नारायणहिटी दरबार सङ्ग्रहालयको बाटो हुँदै सिंहदरबारको मूल गेट अगाडि रहेको नेपाल एकीकरणका अभियन्ता पृथ्वीनारायण शाहको शालिकमा माल्यार्पण गर्न पुगेका हुन्।

उनी सिंहदरबार अगाडि पुग्दा सयौँ राजावादीहरुले स्वागत गरेका थिए। उनले पनि राजर्षि शैलीमा हात हल्लाउँदै आफ्ना समर्थकलाई अभिवादन गरेका थिए । त्यसअघि राष्ट्रपति विद्यादेवी भण्डारीले पनि सोही शालिकमा माल्यार्पण गरेकी थिएन् ।
।