गायक मिलन लामासंग ‘मिट एण्ड ग्रीट’ कार्यक्रम शनिवार

स्यानफ्रान्सिस्को, क्यालिफोर्निया
फेब्रुअरी २
नेपालका चर्चित लोकगायक एवं सर्जक मिलन लामाको सम्मानमा फेब्रुअरी ३ शनिवार ‘मिट एण्ड ग्रीट’ र लाइभ दोहोरी गीत कार्यक्रमको आयोजना गरिएको छ । सो ‘मिट एण्ड ग्रीट’ कार्यक्रम एल सिरेटोस्थित जोम्सा रेष्टुरेण्टमा हुने जानकारी दिइएको छ ।
आयोजक एवं जोम्सा रेष्टुरेण्टका संचालक प्रेम लामाका अनुसार बे एरियामा रहेका नेपालीहरु र लोकगायक मिलन लामा प्रत्यक्ष भेटघाट गरेर संगै दोहोरी गाउने र आफूलाई मन परेका लोक दोहोरी सुन्नको कार्यक्रमको आयोजना गरिएको हो । ‘आफूले सुनेको गीत गायकसंगै बसेर गाउनु जत्तिको मज्जा बेग्लै हुन्छ’ -उनले भने ।
कार्यक्रम बेलुकी ८ बजेवाट शुरु हुने आयोजक लामाले बताए । गायक मिलन लामाका ‘झल्को लाली ओठको’, ‘जुलुम कर्दिया’, ‘मेन्दो माया’, ‘मेड इन नेपाल’ लगायतका लोकगीतहरु निकै चर्चामा रहेका छन् । केही दिन अघि सम्पन्न सोनाम ल्होछार सांस्कृतिक कार्यक्रममा आफ्नो सांगीतिक प्रस्तुती दिन गायक लामा बे एरिया आएका हुन्।