सानफ्रान्सिस्को । नेपाली सुपरहिट चलचित्र छक्का पञ्जा–४ आगामी मार्च ५ तारिकका दिन सानफ्रान्सिस्को बे एरियामा पनि रिलिज हुने भएको छ । चलचित्रले समसामयिक विषयवस्तु नै उठान गरेको निर्माताको भनाइ छ।
बे एरियामा चलचित्रको पहिलो शो मिल्पिटास सेरा थिएटरमा मार्च ५ तारिकका दिन २ सो हुने पहिलो सो २ बजे र दोश्रो सो ५ बजे राखिएको छ भने मार्च १९ मा सेन्चुरी हिलटप थिएटर रिचमन्डमा राखिएको दरबार इभेन्टस र यसबाबु प्रोडक्सनले जानकारी दिएको छन्। चलचित्रको थप सोको लागि शान्तारोजा, स्याक्रोमेन्टोमा हल ब्यबस्थापन प्रकृयामा रहेको पनि जानकारी दिएका छन्।
चलचित्रको टिकट अनलाइनमा बुक गर्न सकिने ब्यवस्था छ। हेमराज विसीको निर्देशन रहेको चलचित्रमा दीपकसँगै दीपाश्री निरौला, केदार घिमिरे, बेनिशा हमाल, निर्मल शर्मा, नीर शाह, मलिना जोशी, राज आचार्यलगायतको अभिनय रहेको छ। चलचित्रको कार्यकारी निर्मातामा केदारप्रसाद घिमिरे र निर्मल शर्मा हुनुहुन्छ । नेपालका हलहरुमा पनि चलचित्रको रिलिज अगाबै बूकिङ खुल्ला गरिसकिएको छ।
प्रतिक्रिया लेख्नुहोस्:-