प्रा. डा. शर्माको निधन

काठमाडौँ, १ चैत्र/ नेपाली चिकित्सा क्षेत्रलाई आधुनिक, व्यवस्थित र सेवा प्रदायक बनाउन महत्त्वपूर्ण योगदान पुर्‍याउनु हुने प्राध्यापक डाक्टर गोविन्द शर्माको निधन भएको छ । मङ्गलवार राति उहाँको निधन भएको हो । डाक्टर शर्मा लामो समय देखि मिर्गौला रोगबाट पीडित हुनुहुन्थ्यो । ९ वर्ष अघि उहाँको मृर्गौला प्रत्यारोपण समेत गरिएको थियो । उहाँलाई मृर्गौला दान गर्नुहुने भान्जी शान्ता दाहालले आज आफ्नो फेसबुकमा डाक्टर शर्माको निधन भएको पुष्टि गर्दै श्रद्धाञ्जली व्यक्त गर्नु भएको छ । डाक्टर शर्माले त्रिभुवन विश्व विद्यालयको उपकुलपति, चिकित्सा शास्त्र अध्ययन संस्थान महाराजगन्जको निर्देशक, काठमांडौ मेडिकल कलेजको निर्देशक भएर काम गर्नु भएको थियो । शर्माले अफ्नो जीवनकालमा डाक्टर भगावान कोइराला लगायत पाँच सय भन्दा बढीलाई विशेषज्ञ चिकित्सक बनाउन महत्त्वपूर्ण भूमिका खेल्नु भएको थियो ।