कुन्दुज, अफगानिस्तान, १२ चैत / अफगानिस्तानको उत्तरी प्रान्त कुन्दुज र छिमेकमा पर्ने ताख्हार प्रान्तमा लुकेर बसेका तालिवान आतङ्ककारी लक्षित अफगान सुरक्षा बलले गरेको कारबाहीमा परी कम्तीमा आठ आतङ्ककारी मारिएका छन् ।
कुन्दुजको उत्तरी क्षेत्रका सेनाका प्रवक्ता गुलाम हज्रात कारीमीले सोमबार सो जानकारी दिनुभएको छ ।
आइतबार अबेर राति कुन्दुज प्रान्तको दासत ‘ए’ आर्ची जिल्लामा लुकेर बसेका तालिवान आतङ्ककारी लक्षित हवाई कारबाहीमा तालिवान समूहका कमाण्डर मुल्लाह जुलफिकारसहित तीन जनाको मृत्यु भएको छ ।
यस कारबाहीमा परी अन्य छ जना घाइते भएका छन् । ताख्हार प्रान्तको याङ्गी कला र चाब जिल्लामा भएको यस्तै सुरक्षा कारबाहीमा परी पाँच आतङ्ककारी मारिनुको साथै अन्य केही घाइते भएका सम्बन्धित अधिकारीहरुले जानकारी दिएका छन् ।
यस कारबाही र हताहतको विषयमा अफगान सरकारसँग द्वन्द्व जारी राखेका तालिवान आतङ्ककारी समूहले भने कुनै टिप्पणी गरेका छैनन् । (रासस÷सिन्ह्वा)
प्रतिक्रिया लेख्नुहोस्:-