ललितपुर, ११ वैशाख / रातो मच्छिन्द्रनाथको रथलाई आज तानेर लगनखेल पु-याइएको छ । हिजो सुन्धाराबाट हिँडाएर ठैनामा रथलाई अड्याइएको थियो ।
सुन्धाराको जात्रा सकाएर अष्ठमीका दिन लगनखेलका लागि रथ हिँडाउने गरिएको ज्योतिष दैवज्ञ कीर्तिमदन जोशीले बताउनुभयो ।
कुनै वर्षमा रथ लगनखेल नै पु-याइन्छ भने कुनै वर्षमा बीचमा अड्याइन्छ । लगनखेलमा रथ पु-याएपछि रथलाई मच्छिन्द्रनाथको आमाको मन्दिर घुमाइन्छ ।
मच्छिन्द्रनाथको लगनखेलसम्मको यात्रालाई पाताल लोकको भ्रमणतुल्य हुन्छ । उहाँ भन्नुहुन्छ, ‘परम्परागतरुपमा ललितपुरवासीले रथ तान्दै आएका थिए ।’ मच्छिन्द्रनाथलाई पाटन ल्याउनेमध्येका एक कृषक रथ चक्रको स्मरणमा यो रथ यात्रा हुँदै आएको छ ।
लगनखेलको मूल जात्रा सकिएको भोलिपल्ट याक मिसा भूया (एकल महिलाको जात्रा) हुन्छ ।
रथलाई इटिटोलमा पुगेपछि दोस्रो चरणको साइत हेर्ने परम्परा छ । इटिटोलमा रहेको देवतालाई जावलाखेल पु-याउने साइत ‘जोशी’हरूले हेर्छन् । देवतालाई जावलाखेल पु¥याएको चार दिन पछि भोटो जात्रा देखाइन्छ ।
उपत्यकाको सबैभन्दा लामो जात्राका रुपमा रहेको मच्छिन्द्रनाथको जात्राको तयारीमा विभिन्न जात र गुठी संस्थान ललितपुर छ महिना पहिलेदेखि लाग्छन् । मच्छिन्द्रनाथलाई सहकालको देवता पनि मानिन्छ ।रासस
प्रतिक्रिया लेख्नुहोस्:-