स्यानफ्रान्सिस्को, क्यालिफोर्निया ।
अमेरिकामा नेपाली साहित्य र सामाजिक कार्यमा क्रियाशील रीतादेवी प्रधानले गैर आवासीय नेपाली संघ (एनआरएनए) अमेरिकाको आसन्न निर्वाचनको लागि महिला बोर्ड सदस्यमा उम्मेदवारी दिएकी छिन । बे एरियाका हर साहित्यिक कार्यक्रमहरुमा आफ्नो जोशीलो प्रस्तुती दिने प्रधान आसन्न निर्वाचनमा उम्मेदवारी दिने सबैभन्दा बढी उमेरकी सिनियर नागरिक हुन । काठमाडौको मरुटोलमा ७० बर्ष अधि जन्मिएकी प्रधानले नेपाली र नेवारी भाषामा दर्जनौ कृतिहरु प्रकाशित गरेकी छन् ।
दूरवीनसंगको कुराकानीमा प्रधानले एनआरएनए जस्तो गरिमामय संस्थामा आफ्नो अनुभवलाई प्रवासमा रहेका आम नेपाली समक्ष पुर्याउने र युवा पुस्तालाई नेपाल र नेपालीका लागि सामाजिक कार्य गर्न प्रेरित गर्ने बताइन । “मेरो उम्मेदवारी म जस्तै उमेर समुहका महिला तथा पुरुषहरुका लागि पनि उहादरण हो”, प्रधानले भनिन, -“आफूलाई सकृय राख्न र समाजमा समारात्मक परिवर्तन ल्याउन पनि हामीहरुको अनुभव युवापुस्ताको लागि उपयोगी हुनेछ” ।
रीतादेवी प्रधान एनआरएनएलाई साझा फुलवारी बनाउने उद्घोष गर्दै भन्छिन्, “हामी यहाँ राम, श्याम हरि गोपाल कोही होइन, पहिलो हामी नेपाली हौै, एनआरएनएनले नेपाली हुनुमा गर्व गर्ने वातावरण बनाउनुपर्छ । मेरो उम्मेदवारी पनि त्यसैका लागि पनि हो” ।
२०२८ देखि साहित्य लेखनमा सकृय प्रधान नेपालमा महिला वातावरण समूह, कोपुण्डोल, कालिमाटी क्लीनिक, रोटरी क्लब, नेपाल लगायत थुप्रै संघरसंस्थामा संलग्न थिइन् । साहित्यकार प्रधानका तरंगहरू मनका, २०६३, अन्धविश्वासभित्रका विश्वासहरू, नेपाली, अंग्रेजी र नेपालभाषामा नवाइम्ह छुं, प्रथम सचित्र बाल उपन्यास, नेपालभाषामा खनाखँ कथासंग्रह, नेपालभाषामा फय्वःगु लँयइकु संग्रह नेपालभाषामा कछला, लगायत दर्जनौ कृतिहरु प्रकाशनमा आएका छन् ।
प्रधानका अनुसार उनी नेपाली भाषा साहित्यमा अदृश्य र अमूर्त सांस्कृतिक सम्पदा सम्बन्धी लेख्ने पहिलो व्यक्तिको रुपमा पुरस्कृत साहित्यकार हुन् भने नेवारी साहित्यमा सचित्र बाल उपन्यास लेख्ने प्रथम उपन्यासकार समेत हुन् । आफूलाई मतदान गर्न अमेरिकाभर रहेका एनआरएन सदस्यहरुलाई आग्रह गर्दै प्रधान भन्छिन्, तपाईहरु मलाई मत दिनुस, म आजसम्मको अनुभव, सृजना र सकृयतालाई एनआरएन मार्फत थप प्रभावकारी बनाउछु, । प्रधानका पीता स्व हिरण्यध्वज जोशीले नेपालको पहिलो बजेट लेखनमा याृगदान पुर्याएका थिए ।
प्रतिक्रिया लेख्नुहोस्:-