‘तेल भिसा’ फिल्म मंसीर ७ मा रिलिज हुने

काठमाडौं । बिपिन कार्की स्टारर फिल्म ‘तेल भिसा’को प्रदर्शन मिति तय भएको छ । निर्माताको टिमले गत आइतबार बेलुका फस्टलुक पोस्टर सार्वजनिक गर्दै मंसिर ७ गते रिलिज हुने घोषणा गरेको हो ।
सो फिल्मको पहिलो चरणको छायांकन अमेरिकाको विभिन्न शहरहरुमा भएको थियो भने यही सोमबारदेखि नेपालमा दोस्रो चरणको सुटिङ सुरु हुनुअघि प्रदर्शन मिति तय गरिएको हो ।
सिनेमाको सार्वजनिक पोस्टरमा अभिनेता विपिन कार्कीलाई दोहोरो भूमिकामा प्रस्तुत गरिएको छ । उनलाई जवान र वृद्ध गरी दुई फरक चरित्रमा चित्रण गरिएको जानकारी सो फिल्मका निर्माता प्रिन्स युवराज कार्कीले दुरवीनलाई बताए ।
पोस्टरमा अभिनेत्री वर्षा राउत, ऋचा घिमिरे र पुजा लामासहित अमेरिकामा रहेका कलाकारहरु छन् । उपयुक्त मिति लागेर नै यो मितिमा प्रदर्शन घोषणा गरिएको निर्देशक शंकर घिमिरेले बताएका छन् । यो फिल्म मा बुद्धि तामाङ पनि शीर्ष भूमिकामा छन् । वेलडन क्रियसनको व्यानरमा ऋचा घिमिरेको प्रस्तुति रहेको फिल्ममा अनिल पाण्डे र शिवराज कार्की निर्माता छन भने कार्यकारी निर्माता का रुपमा प्रिन्स युबराज कार्की र श्रुती दाहाल रहेका छन् ।

बिशेषत अमेरिका, युरोप लगायतका देशहरुमा जाने परम्परालाई कथानक रुप दिइएको सो चलचित्रले तेल भिषाको ब्यानरमा सकारात्मक सन्देश दिने कार्यकारी निर्माता कार्कीले बताएका छन् । ‘तेल भिषा भनेर जुनप्रकारले हेरिने गरिएको छ, यस फिल्मले त्यो परिभाषा बदल्छ,’ कार्कीले भने । उनका अनुसार अमेरिकी कथामा बनेको सो फिल्म अमेरिकाका बिभिन्न शहरहरुमा पनि प्रदर्शन गरिनेछ ।
फिल्म को पहिलो पोस्टर रिलिज भए पछी सिनेमा जगत मा यो फिल्मले बक्स अफिसमा तरङ ल्याउने अपेक्षा गरिएको बताइएको छ।