अमेरीकी राजनीतिमा उदाउदैछन नवीन !

टेनेसी, अमेरिका
सन १९९२ मा भुटानवाट लखेटिंदा नवीन जम्मा ६ बर्षका मात्र थिए । भुटानको शासकले आफ्नो भूमीमा बस्न नदिएर लखेटेको अनि नेपालमा शरणर्थी जीवन विताएको केटो अमेरिकाको पुरानो र प्रभावशाली रिपब्लिकन पार्टीको सल्लाहकार र सो पार्टीको टेनेसी राज्यको प्रभावशाली ब्यक्ति बन्छ भन्ने शायद धेरैलाई अनुमान पनि थिएन होला । तर तिनै नवीन नेपाल यतिबेला अमेरिकाको राजनीतिमा उदाउदै गएका छन् । शायद उनीलाई पनि अमेरिका गएर राजनीतिमा संलग्न हुन्छु र अमेरिकन विचमा लोकप्रिय बन्छु भन्ने लागेको थिएन ।

भुटानले जवरजस्ती लखेटेका आफ्ना नागरिकलाई फिर्ता लैजान अस्वीकार गरिपछि तेश्रो देशमा पुर्नवास कार्यक्रम अन्तर्गत नवीनको परिवार सन् २००८ मा अमेरिका आएको हो । नेपाली भाषीमाथी भुटानी शासकको बर्बर आक्रमण सम्झदै नवीन भन्छन्, “म त सानै थिए, हामी रुदै गाउ छोडेको याद छ” ।
नेपालमा रहदा शरणर्थी जीवन पनि कष्टकर रहेका बताउदै नवीन भन्छन्, “नेपालमा पनि हामीलाई तिमीहरुको केही छैन, जाने ठाउ छैन” भनेर हेप्ने गरिएको थियो । पछि अमेरिकामा आएर राजनीति माफर्त समाजसेवा गर्ने र समाज बदल्ने विचारले यहाँको राजनीतिमा जोडिएको उनको धारणा छ ।
बुवा रुपनारायण र आमा विष्णुमायाको कोखबाट नवीनको जन्म १९८६ मा भुटानको चिरागं जिल्लाको लामीडाडामा भएको हो ।
आफ्नो स्कुले अध्ययन शरणार्थी शिविरमा नै भएको र अमेरिकामा आएपछि आफूले जिवनलाई पछाडीवाट हेर्न नपरेको नवीन बताउछन् । सन् २०१६ मा अमेरिकी नागरिक बनेपछि टेनेसी राज्यको रिपब्लिकन पार्टीमा आवद्ध रहेका नवीन पार्टीमा चाही डाक्टर योग नेपालका रुपमा परिचित छन् । उनी टेनेसी राज्यका डिस्ट्रीक ५३ का हाउस अफ रेप्रिजेन्टेटिभका उम्मेदवार हुन ।
नवीनले ब्लुलाइन सेक्यूरिटी भन्ने संस्थाको फिल्ड सुपरभाइजरको रुपमा कार्य गरिसकेका छन् भने रिपब्लिकन पार्टीको क्याम्पेन म्यानेजरको रुपमा पनि काम गरिसकेका छन् । तीनवटा सामाजिक संस्थामा संलग्न रहेका छन । उनले पुर्याएको योगदानको कदरस्वरुप १६ बटा अवार्ड र ४६ भन्दा बढी प्रशंशापत्र पाएका उनी बताउछन् ।
छोटो उमेरमा अमेरिकाको रिपब्लिक पार्टीमा उनको बढ्दो लोकप्रियताको कारण गत निर्वाचनमा समेत उनको उम्मेदवारीका चर्चा चलेको थियो । नवीन भन्छन, “आफ्नै देश भुटानमा बस्न पाइएन, नेपालमा शरणर्थी भनेर हेंला र हेपाई खपियो तर अमेरिकामा भने सबैवाट समान खालको ब्यवहार पाएको छु” । अमेरिकामा भने राजनीति र समाज सेवामा आफ्नो बढ्दो उचाईबाट नवीन दंग छन् । भन्छन्, “लक्ष्य त सेनेटर हुने राखेको छु, हेरौ के हुन्छ” ।