कोरोना अपडेट : थपिए ५५३ नयाँ संक्रमित

काठमाडौं । आज देशभर पाँच सय ५३ कोरोना संक्रमित थपिएका छन् । स्वास्थ्य तथा जनसंख्या मन्त्रालयले पछिल्लो २४ घन्टामा देशभरबाट गरिएको नमुना परीक्षणको क्रममा पाँच सय ५३ कोरोना भाइरस संक्रमित थपिएको हो।

मन्त्रालयका अनुसार त्यस अवधिमा तीन हजार सात सय ८९ नमुना परीक्षण भएको थियो । त्यसमध्ये आरटी पिसिआर विधिबाट चार सय ४१ तथा एन्टिजेन विधिबाट गरिएको परीक्षणमा एक सय दुईजनामा संक्रमण पाइएको हो ।

मन्त्रालयले पछिल्लो २४ घन्टामा कोरोनाबाट कसैको पनि ज्यान नगएको तथा चार सय ३३ जना निको भएको जनाएको छ । देशमा हाल पाँच हजार ६ सय ५९ सक्रिय संक्रमित रहेको पनि मन्त्रालयले जनाएको छ ।