काठमाडौं । प्रधानमन्त्री पुष्पकमल दाहाल प्रचण्डले विकास निर्माणका कार्यमा राजनीति नगर्न आग्रह गरेका छन् । उनले शुक्रबारप्रज्ञा भवन कमलादीमा आयोजित नेपाल विद्युत् प्राधिकरणको ३८ औं वार्षिक उत्सव कार्यक्रममा यस्तो बताएका हुन् ।
उनले आउने पुस्तालाई अँध्यारोमा राख्ने कि उज्यालो भविष्य दिएर जाने भन्दै भन्ने प्रश्न गरे । गुणस्तरीय सेवा प्राप्त गर्न र आउने पुस्तालाई उज्यालो भविष्य दिन एकजुट हुनुपर्नेमा उनको जोड छ ।
सरकारले उपयुक्त नीति र कार्ययोजनासहित आन्तरिक विद्युत् माग बृद्धि गर्न विद्युतीय सवारी साधनहरू, विद्युतीय चुलो आदिको प्रयोगमा प्रोत्साहन गरेको बताए । बढी विद्युत् खपत गर्ने उद्योग कलकारखानाको स्थापना र सञ्चालनमा उपयुक्त वातावरण निर्माण गर्न र विद्युत्को अधिकतम उपयोगलाई राष्ट्रिय अर्थतन्त्र र समृद्धिको मजबुत आधारका रूपमा आत्मसात गरी अघि बढ्न सम्बन्धित सबै मन्त्रालय र निकायहरूको आपसी समन्वयमा जोड दिइएको बताए ।
प्रतिक्रिया लेख्नुहोस्:-