काठमाण्डौ।
“राष्ट्रिय चलचित्र पुरस्कार २०८०” एक भब्य कार्यक्रमको विच प्रदान गरिएको छ । मंगलबार राष्ट्रपति कार्यालय शीतल निवासमा आयोजित समारोहमा राष्ट्रपति रामचन्द्र पौडेलले विभिन्न बिधाका उत्कृष्ट कलाकारहरुलाई अवार्ड वितरण गरेका थिए ।
यस बर्षको सर्वाधिक चर्चामा रहेको चलचित्र ‘महापुरुष’बाट हरिवंश आचार्य सर्वश्रेष्ठ अभिनेता घोषित भए भने चलचित्र ‘प्रकाश’बाट नायिक दीया मास्के सर्वोत्कृष्ट अभिनेत्री घोषित भइन । “महापुरुष” चलचित्रवाट सर्वश्रेष्ठ अभिनेता घोषणा भएका आचार्यले सो अवार्ड महापुरुष टीमका सफलता भएको र आफूले राम्रो काम गर्न कोसिस गरेका प्रतिकृया दिए । “यो महापुरुष टीमको सफलता हो,” आचार्यले भने ।
सो समारोहमा‘प्रकाश’ का दिनेश राउतले सर्वश्रेष्ठ निर्देशकको उपाधी पाए भने ‘चिसो मान्छे’बाट दीपेन्द्र खनालले उत्कृष्ट पटकथाकारको अवार्ड प्राप्त गरे । समारोहमा पुरुषोत्तम प्रधानलाई ‘लप्पन छप्पन २’बाट सर्वश्रेष्ठ छायांकारको उपाधी प्रदान गरियो भने ‘दोख’बाट निमेष श्रेष्ठले सर्वश्रेष्ठ सम्पादकको ट्रफी हात पारे । आदिवासी जनजाति फिल्म विधातर्फ भने मुनाल फिल्म्सको ‘ह्युलन छायाँ बा’ सर्वोत्कृष्ट घोषित भयो ।
२०७८ सालको विशेष फिल्मतर्फ टुल्की र नीरमायालाई उत्कृष्ट घोषणा गरियो । २०७९ सालको विशेष फिल्ममा बुलाकी, प्रसाद २ र चिसो मान्छलाई सर्वोत्कृष्ट घोषण गरियो ।
समारोहमा राष्ट्रपति पौडेलले अभिनेता शिव श्रेष्ठ र अभिनेत्री लक्ष्मी गिरीलाई दीर्घ साधना सम्मान प्रदान गरे । सो समारोहमा ३५ जना फिल्म र संगीतकर्मीले योगदान सम्मान प्राप्त गरे ।सो अवसरमा बोर्डको तर्फबाट राष्ट्रपति पौडेललाई मायाको चिनो प्रदान गरिएको थियो । नेपाली सेनाको टुकडीले उक्त अवसरमा फिल्म ‘मनको बाँध’देखि पछिल्लो समयका फिल्मसम्मको संगीत समेट्दै धुन प्रस्तुत गरेको थियो ।
सर्वश्रेष्ठ फिल्म विधा समावेश नगरिकनै अवार्ड वितरण गरिएकोमा भने कलाकारहरुको गुनासो सुनिएको थियो ।
प्रतिक्रिया लेख्नुहोस्:-