काठमाडौं । सञ्चार तथा सूचना प्रविधिमन्त्री ज्ञानेन्द्र कार्कीले नेपालको चलचिब विकासलाई अन्तराष्ट्रिय क्षेत्रमा पुर्याउने गरेर विकास गर्नुपर्ने बताएका छन् ।
उनले शनिबार नेपाल चलचित्र निर्माता संघका १६ औं वार्षिक साधारणसभाका अवसरमा आयोजित कार्यक्रममा मन्त्री कार्कीले अहिले लाखौं नेपालीहरु रोजगारका लागि विभिन्न देशमा रहेको भन्दै नेपालको चलचित्र क्षेत्रलाई अन्तर्राष्ट्रिय क्षेत्रमा पुर्याउने गरी विकास गर्नुपर्ने बताएका हुन् ।
विदेशमा रहेका नेपालीहरुलाई पनि सहज रुपमा नेपाली चलचित्र हेर्न सक्ने गरी काम गर्नुपर्ने उनको सुझाव छ । त्यस्तै मन्त्री कार्कीले धेरै राम्रा सिनेमाहरु बनेको र आगामी दिनमा कला संस्कृति र भूगोललाई मध्यनजर गर्दै बनाई विश्व बजारमा राम्रै स्थान पाउने जिकिर गरे ।
प्रतिक्रिया लेख्नुहोस्:-