शनिवार ‘डा. लोहनीसंग भद्र भलाकुसारी’ गरिने

स्यानफ्रान्सिस्को, क्यालिफोर्निया
नोभेम्वर २
दूरवीन संवाददाता
राष्ट्रिय प्रजातन्त्र पार्टीका बरिष्ठ नेता एवं पूर्वअर्थ एवं परराष्ट्रमन्त्री डा. प्रकाशचन्द्र लोहनीसंग आगामी शनिवार नोभेम्वर ४ तारेख  ‘भद्र भलाकुसारी’ कार्यक्रम राखिएको छ । पारिवारिक भेटघाटको शिलशिलामा अमेरिकामा रहेका डा. लोहनीसंगको भलाकुसारी अराजनीतिक तर बौद्धिक एवं प्ररणादायी हुने आयोजकहरुले बताएका छन् ।
स्यानफ्रान्सिस्को बे एरियाका सकृय युवा अभियन्ता थल्बीर वलीको संयोजनमा हुन लागेको सो भलाकुसारी कार्यक्रम हेवर्डमा रहेको दी गुर्खा किचेनमा हुनेछ संयोजक वलीका अनुसार डा. लोहनीको अनुभव र ज्ञान बे एरियामा गर्ने नेपालीहरुका लागि पनि प्ररणादायी हुने हुनाले उहाँको अनुभव सुन्न र एक आपसमा दीपावलीको शुभकामना समेत आदानप्रदान गर्न पनि भलाकुसारी कार्यक्रम राखिएको हो ।
“डा लोहनीलाई पार्टी र ब्यक्तिभन्दा माथी उठेर हेर्नुपर्छ किनभने नेपालको आर्थिक विकास र परराष्ट्र मामिलामा उहाँको योगदान उच्च रहेको छ”,-वलीले भने ।
झण्डै ५ दशक अगाडि युनिभर्सिटी अफ क्यालिफोर्निया लस एन्जलसवाट विद्यावारधी गरेका डा लोहनीसंग अमेरिकामा अध्ययनरत त्यतिबेलाका नेपालीहरुको अवस्था लगायतक हिजोको नेपालको अवस्था आजको नेपाल र भोलीको नेपाल कस्तो हुनुपर्छ भन्ने सवालमा प्रश्नोत्तर गरिने छ । कार्यक्रममा सहभागी हुन बे एरियावासीहरुलाई वलीले आग्रह गर्दै भने-‘डा. साव लाई सुन्दा प्रेरणा नै मिल्छ’ ।