पत्रकार सरोज काफ्लेलाई पितृशोक

स्यानफ्र्यान्सिस्को । पत्रकार एवं विजमाण्डू डटकमका सल्लाहकार सम्पादक सरोज काफ्लेलाई पितृशोक परेको छ । पत्रकार काफ्लेका पिता परशुराम काफ्लेको गत विहीवार अचानक निधन भएको उनको परिवारले जनाएको छ । लामो समय शिक्षा क्षेत्रमा ब्यतित गरेका काफ्ले ७५ वर्षका थिए ।
काठमाडौं बुढानिलकण्ठस्थित आफ्नै निवासमा अस्वस्थ भएपनि उपचारार्थ अस्पताल लैजाने क्रममा काफ्लेको निधन भएको हो र विहिवार राती नै पशुपति आर्यघाटमा अन्तिम संस्कार गरिएको उनको परिवारले जनाएको छ । स्वर्गीय  काफ्लेको श्रीमति चार छोरा छन् ।
दूरवीन नेपाल स्वर्गीय काफ्लेको आत्माको चीर शान्तिको कामना गर्दै शोकसन्तप्त परिवारजनमा गहिरो समवेदना ब्यक्त गर्दछ ।