स्यानफ्रान्सिस्को ।
क्यालीफोर्नियाको स्यानफ्रान्सिस्को शहरमा बस्दै आएका खैराबांग सल्यानका लोकगायक कृष्ण बुढाथोकीले आफ्नो नयाँ एल्वम “यथार्थ” सार्वजनिक गरेका छन् । यस एल्वममा बुढाथोकी र गायीका रुपी सिंजाली मगरले स्वर दिएका छन् । लामो समयदेखि गायन क्षेत्रमा सकृय युवा लोकगायक बुढाथोकी २०६६ देखि गायन क्षेत्रमा कृयाशील छन् ।
यस अघि उनले ‘बनमा मैना छ ‘भन्ने एल्वम बजारमा ल्याएका थिए । मैले बसाई सर्ने पर्ने भयो वाट गायन यात्रा शुरु गरेका बुढाथोकीले दर्जनौ लोकगीतहरु चर्चामा छन् ।
नेपालमा आम निर्वाचन सन्निकट रहंदा बुढाथोकीले सार्वजनिक गरेको गीति एल्वममा नेपालको राजनीतिक अवस्थाको वारेमा चित्रण गरिएको छ । उनको यस एल्वममा ‘भो नेता हो लटकाई नराख, तयार छौ हामी युवा अडकाई नराख’ भन्ने वोलको गीतले बजारमा चर्चा पाएको छ । गायक बुढाथोकीले आफ्नो एल्वमवारे दूरवीनसंग कुरा गर्दै देशको बर्तमान राजनीतिक अवस्थाको वारेमा आफ्नो गीतले चित्रण गरेका बताए । ‘नेपाल अव युवाहरुले चलाउने हो, त्यसको लागि युवाहरु तयार छन् मेरो गीतले यही सन्देश दिएको छ,’ बुढाथोकीले भने ।
प्रतिक्रिया लेख्नुहोस्:-